Энэ хичээл нь стехиометр, термодинамик, кинетик, химийн тэнцвэр, цахилгаан хими зэрэг сэдвийн хүрээнд олон төрөл, хувилбарын бодлого бодох, асуудал шийдвэрлэх арга барил эзэмшүүлэх агуулга, арга зүйг хэрэгжүүлнэ. Мөн энэ хичээл нь оюутанд химийн асуудал шийдвэрлэх ерөнхий чадвар төлөвшүүлэхэд чиглэгдэнэ. Энэ хичээлийг судлах явцдаа оюутнууд химийн мэргэжлийн хичээл (Ерөнхий хими, Органик хими гэх мэт)-үүдээр үзэж судалсан олон ухагдахууныг ахисан түвшинд эрэгцүүлж, мэдлэг, чадвараа системчилнэ.